ترکی غزل
" سئودالی دوستوم سجاد عزیزی یه اتحاف"
باتدی اوره گیم ملاله دوستوم
اُولدی ایشیم آه وناله دوستوم
بسدیر بوقَدَر فَغان یُورولدوم!
"دولدور منه بیر پیاله دوستوم"
بیر جرعه اونون گوزون دن ایچدیم
گور قویدی منی نه حاله دوستوم؟
سینه مده اَزیلمیش اشتیاقنان
یوخدور اومودوم وصاله دوستوم
دولدور کی قالارقی تکجه مئی دیر
بیز کی گئدیریک زواله دوستوم
من مئی ایچیرم سن ایچمه نینیم
یوخدور رمقیم جِداله دوستوم
تک من دئمیرم دئیب نظامی:
مئی دیر یئتیرن کماله دوستوم
* * *
چیخدیم چوله آی تامام دی گوردوم
توشدوم یئنه ده خیاله دوستوم
نیلیم ؟کی پلنگه غالب اولدو
بیر اودلی باخیش غزاله دوستوم
آی آغرین آلیم نه دردون اولسا
یاز یولا منه حواله دوستوم
یاز یولا یانیندا مئی ده گوندر
تا بلکه چیخا حلاله دوستوم
نویسنده حبیب یزدانی
غزل ترکی